92 börn voru drepin í árásum Rússa í Úkraínu á síðasta ári og 652 börn særðust. Er þetta aukning um 11 prósent milli ára nú þegar brátt verða liðin fjögur ár frá innrásinni.

Eins og fram hefur komið hertu Rússar árásir á orkuinnviði Úkraínu á síðari hluta árs með tilheyrandi rafmagns- og orkuleysi sem hefur áhrif á vatn, hita, skólastarfsemi, heilbrigðisstofnanir og neyðir börn til að sofa í kulda og myrkri í þeirri miklu kuldatíð sem ríkt hefur í vetur.

UNICEF, í samstarfi við stjórnvöld og samstarfsaðila, veittu rúmlega 7 milljónum einstaklinga, þar af 2,5 milljónum barna, mannúðaraðstoð á síðasta ári. 4,3 milljónir fengu aðgengi að hreinu vatni og hreinlætis- og salernisþjónustu, 425 þúsund fengu aðgang að heilbrigðisþjónustu, 547 þúsund aðgengi að sálfræði og sálfélagslegri aðstoð. 311 þúsund börn fengu bæði formlega og óformlega menntun við hinar ýmsu aðstæður og 217 þúsund manns fengu beina fjárhagsaðstoð. Frá þessu greinir UNICEF, Barnahjálp Sameinuðu þjóðanna, í ársuppgjöri sínu vegna neyðarinnar í Úkraínu í dag.

Neyðarsöfnun UNICEF á Íslandi fyrir börn í Úkraínu.