Þorgerður Katrín Gunnarsdóttir utanríkisráðherra endurnýjaði í vikunni samstarfssamninga við UNICEF á Íslandi, Félag Sameinuðu þjóðanna og UN Women á Íslandi um kynningarstarf og fræðslu um alþjóðasamstarf og þróunarsamvinnu.
UNICEF á Íslandi og utanríkisráðuneytið hafa um árabil átt gott samstarf um kynningar- og fræðslumál og er þessi samstarfssamningur landsnefndinni afskaplega mikilvægur við að tryggja, auka og efla upplýsingagjöf til almennings um stöðu barna um allan heim og sýna árangur af alþjóðlegu þróunar- og hjálparstarfi í þágu barna.
Birna Þórarinsdóttir, framkvæmdastjóri UNICEF á Íslandi:
„Það skiptir meira máli nú en nokkru sinni fyrr að miðla réttum og aðgengilegum upplýsingum um árangur þróunarsamvinnu og alþjóðastarfs. Jafnframt að gefa innsýn inn í neyð barna víða um heim og minna á að réttindi barna eru alls staðar þau sömu. Samstarf utanríkisráðuneytisins og landsnefndar UNICEF hefur gert okkur kleift að sinna mikilvægu kynningar- og fræðslustarfi undanfarin ár og það er ómetanlegt að vita að við getum haldið því áfram - af krafti - næstu þrjú árin. Ekki veitir af.“
Í tilkynningu á vef utanríkisráðuneytisins segir:
„Sameinuðu þjóðirnar (SÞ) eru hornsteinn alls alþjóðasamstarfs, en þær vinna að friði og öryggi, mannréttindum, virðingu fyrir alþjóðalögum og félagslegri og efnahagslegri þróun. Barnahjálp SÞ (UNICEF) og Stofnun SÞ um kynjajafnrétti og valdeflingu kvenna (UN Women) eru tvær af áherslustofnunum í fjölþjóðlegri þróunarsamvinnu Íslands og gegna mikilvægu hlutverki við að tryggja kynjajafnrétti og réttindi barna um allan heim. Starf félaganna þriggja á Íslandi styður við hlutverk Sameinuðu þjóðanna með miðlun þekkingar um verkefni þeirra, um alþjóðamál og þróunarsamvinnu til almennings á Íslandi.“
"}}},{"__typename":"PrismicPostBodyImage","id":"bf110a00-a04c-507b-a19b-cdb4d0a7a6aa","primary":{"image_text":{"text":"Frá undirritun samninganna í utanríkisráðuneytinu. "},"image":{"url":"https://images.prismic.io/uniceficeland/ad-m851ZCF7ETOD1_image00009.jpeg?auto=format%2Ccompress&rect=0%2C474%2C5712%2C3810&w=1616&h=1078","thumbnails":{"featuresize":{"url":"https://images.prismic.io/uniceficeland/ad-m851ZCF7ETOD1_image00009.jpeg?auto=format%2Ccompress&rect=0%2C1125%2C5712%2C2706&w=2322&h=1100"}}}},"slice_label":null,"slice_type":"image"}]},"loginpage":null}},"pageContext":{"language":"is","prismicId":"ad-mVxQAACIAcngk"}},"staticQueryHashes":["1216418271","2681192219","2999785817","675757224"]}